Martes 20 de Novembro de 2018

Xuntanza do xurado do IX Concurso de pinchos Sabores de Ourense Outono 2016


Tivo lugar no restaurante A Taberna a xuntanza do xurado profesional do Concurso de pinchos Sabores de Ourense, edición de Outono 2016, que organizan a Concellería de Turismo e a Unión de Hostaleiros de Ourense. O fallo deste xurado quedou como segue:

1º premio: San Miguel, por A vieira de Outono.
2º premio: Tapa Negra, por Iberotoño.
3º premio: A Feira, por Capuchino de cogomelos.

O certame, na súa novena edición, desenvolveuse desde o día 28 de outubro ata o 13 de novembro coa participación de 49 establecementos da cidade (13 deles participaban por primeira vez).

Como cada outono, o requisito imprescindible para participar era que os pinchos estiveran elaborados con cogomelos e/ou castañas, materias primas frescas e de tempada, buscando potenciar así os produtos locais.

O importe máximo dos pinchos foi 2,50 €: prezos populares ao alcance de todos os petos para que todo o mundo tivera a posibilidade de saborear estes petiscos.

Os premios oficiais do concurso son os 3 outorgados polo xurado profesional, os 3 concedidos polo público e o Premio Pincho Celíaco, outorgado pola delegación ourensá Asociación Galega de Celíacos, ao que optan todos os pinchos que non empreguen glute na súa elaboración.

Deja un comentario