Martes 22 de Setembro de 2020

O Concello analiza os novos sistemas de túneles e arcos de desinfección para a súa colocación


O alcalde e a concelleira de Política Social visitaron a empresa ourensá Myboxexperiencia, innovadora neste campo

 

Co obxectivo de ampliar as medidas de seguridade, así coma de prevención, despois do que está acontecendo coa covid-19, o Concello de Ourense analiza novos sistemas, neste senso os túneles e arcos de desinfección. Deste xeito, o alcalde, Gonzalo Pérez Jácome, acompañado pola concelleira de Política Social, Eugenia Díaz Abella, visitaron a empresa ourensá, asentada no polígono de San Cibrao das Viñas, Myboxexperiencia, cuxos responsables, Aníbal Blanco, e David González amosaban o traballo que veñen realizando neste campo, e que esperan comercializar en breve, á espera de contar coas últimas certificacións.

O rexedor, despois da visita realizada ás instalacións que ten a empresa, ver os sistemas de túneles e arcos de hixienización e purificación, que se pode utilizar tanto para persoas coma animais, e que é totalmente eficaz, segundo o reflicten as probas e os certificados, puxo en valor o “carácter innovador” da empresa, utilizando para elo containers marítimos, e o proceso denominado “produto box” (ácido hipocloroso xenerado en situ), que xa está autorizado en Europa e se vén utilizando, co que se garante a hixienización e a desinfección, evitando deste xeito riscos.

É por iso que por parte do Concello se estudará a posibilidade de colocar e utilizar este tipo de sistemas en zonas da cidade, coa intención de que teña como finalidade ser unha medida de seguridade para toda a cidadanía. Neste senso, o alcalde entende que todos os mecanismos que se poidan implantar, e que contribúan á seguridade sanitaria “debemos telos en conta”, polo que se realizará un estudo para a súa futura implantación. Ademais de pór de manifesto o traballo que realiza esta empresa ourensá.

Deja una respuesta