Domingo 15 de Decembro de 2019

Resumo das incidencias provocadas pola forte choiva desta tarde na cidade de Ourense


 

A choiva caída esta tarde na cidade de Ourense provocu diferentes incidencias na cidade, que afectaron ao normal desenvolvemento do tráfico e provocaron, ademais, a caída de varias árbores. O concelleiro de Infraestruturas, Miguel Caride, estivo ao tanto de todas as incidencias e en permantente contacto con Viaqua. As seguintes son as incidencias máis importantes recollidas pola Policía Local e polos Bombeiros:

17:00 horas. Corte de Pardo de Cela en Praza Concepción Arenal por rebentón da rede de sumidoiros debido á presión da auga. Asfalt afectado. Córtase o acceso cara ao Pavillón dos Remedios.

17:05 horas. Caída de árbores na Avda.de Marín e Eulogio Gómez Franqueira.

17:10 horas. Comezan a saltar tapas de sumidoiros en varias zonas da cidade. Unha soa patrulla da Policía Local chegou a repoñer 15.

17:28 horas. Por seguridade, suspéndese o servizo de tren turístico.

17:30 horas. Inúndase a Avda. Castelao e córtase o tramo que discorre entre o Campus de Ourense e o Instituto das Lagoas.

17:40 horas. Varios contenedores desprazados polo vento e repostos por Ecourense.

18:15 horas. Cae unha árbore na rúa Río Ávia, sen danos persoais. Os bombeiros acoden a cortar as pólas.

18:32 horas. Árbore caída na N-120. Sen consecuencias.

18:46 horas. Aviso por inundación nunha ferretería da Avda. de Santiago. Baixo a glorieta de Ervedelo fórmase unha grande balsa de auga. A Policía Local regula o tráfico na zona desde as 19:00 horas até as 19:45 horas, cando os Bombeiros logran desatascar os sumidoiros.

Desde as primeiras incidencias até esa hora, 27 chamadas á Policía Local por incidentes diversos, sen contar as repetidas polos mesmos feitos: sumidoiros, anegamentos, contedores movidos, árbores caídas e dificultades co tráfico.

19:00 horas. Accidente de tráfico con feridos de escasa consideración en Camiño de Mende 44.

Deja un comentario