As festas de Ourense 2019 contarán finalmente con espectáculo de fogos artificiais. A empresa contratada para realizar a exhibición pirotécnica presentou esta mañá os permisos preceptivos que garanten a seguridade da realización desta actividade. Así o confirman os informes positivos de Garda Civil, Consellería de Industria e Subdelegación do Goberno.
A montaxe do espectáculo pirotécnico comezará o sábado ás 13:00 horas, e a cita celebrarase, tal e como estaba programado, ás 0:30horas, na madrugada do sábado ao domingo, na marxe dereita do río Miño entre as pontes Romana e do Milenio. A continuación, haberá actuación da orquestra Os Satélites, ás 1:00 horas, na rúa do Progreso, entre a Alameda e Bispo Cesáreo.
O goberno municipal celebra que finalmente se poida levar a cabo un espectáculo que cada ano reúne a milleiros de persoas preservando sempre as condicións de seguridade que requiren. Así mesmo, agradece a implicación e o esforzo dos técnicos municipais para que finalmente se poida levar a cabo esta actividade.
Deja una respuesta
Lo siento, debes estar conectado para publicar un comentario.