Mércores 21 de Agosto de 2019

A xestión do Partido Popular convirte ao Concello de Ourense en moroso


 O Concello supera xa os cen días de retraso no pago de facturas, que suman oito millóns e medio de euros de débeda

Ourense en Común calificaba esta mañá como “unha vergoña” o estado da Tesourería Municipal, logo de coñecer que o Concello de Ourense ten oito millóns e medio de euros pendentes de pago, cun retraso de 100 días “e subindo”, cando o prazo que permite a lei é de só 30 días.

O grupo apunta a que o goberno de Jesús Vázquez, con Ana Morenza á fronte da área de Facenda, “convertiron a este Concello en mal pagador, perxudicando ás pequenas empresas que prestan servicios municipais”.

Martiño Xosé Vázquez, voceiro do grupo, apunta a que o reiterado incumprimento do prazo legal de pago durante todo este 2018, “que desde xaneiro se disparou dos 40 aos 100 días nos que estamos”, require un plan de axuste para “corrixir a morosidade e evitar que o Ministerio de Facenda teña que intervir“ os recursos do Concello.

Engaden que é “inxente” a cantidade de facturas acumuladas por este goberno, e denuncian que sexa unha “práctica habitual tramitar servizos sen contrato, alongando máis aínda os trámites administrativos e contables”.

Deja un comentario