Luns 03 de Agosto de 2020

Aprobado en Xunta de Goberno extraordinaria o proxecto de Orzamento do Concello de Ourense para o exercicio 2018


O informe que faltaba por incluir no expediente, o emitido pola Intervención Municipal, en ningún momento sinala causa algunha de nulidade, anulabilidade ou impugnación do documento, como sí sucedera en anteriores exercicios

 

O proxecto de Orzamento do Concello de Ourense para o exercicio 2018 foi aprobado esta mañá en Xunta de Goberno extraordinaria.

Unha vez recibido o informe que restaba para completar este documento, o emitido pola Intervención Municipal, o Goberno Municipal vén de aprobar o documento en Xunta de Goberno para continuar coa tramitación deste expediente. Así, hoxe mesmo o expediente completo foi remitido aos grupos políticos para que presenten, se así o consideran, as súas emendas ao documento para poder continuar coa tramitación administrativa.

O informe emitido pola Intervención Municipal en ningún momento sinala (como sí fixera en exercicios económicos anteriores con outros orzamentos) causa algunha de nulidade, anulabilidade ou impugnación.

O Goberno Municipal sigue traballando a prol de conseguir aprobar uns orzamentos axeitados á realidade actual da cidade, sendo estes os máis sociais da historia de Ourense, contemplando un incremento dun 21% nas partidas adicadas á area social, e por elo solicítalle o apoio aos grupos políticos para a súa aprobación en Pleno no menor prazo posible.

Deja una respuesta