Venres 06 de Decembro de 2019

Manuel Baltar visita no Carballiño e Boborás infraestruturas viarias, deportivas e de servizos realizadas co apoio da Deputación de Ourense


O presidente da Deputación de Ourense, Manuel Baltar, visitou os municipios do Carballiño e Boborás, dentro da rolda que está a realizar polos concellos da provincia de Ourense. Nestes dous concellos, o presidente do goberno provincial visitou infraestruturas viarias, deportivas e de servizos, realizadas coas aportacións económicas da Deputación de Ourense e que supuxeron importantes melloras de servizos e accesos para os veciños.No Carballiño, acompañado polo alcalde Francisco Fumega e membros da corporación local, así como por directivos do Club Deportivo Arenteiro, Manuel Baltar visitou o estadio municipal de Espiñedo, no que se levaron a cabo obras de mellora nos vestiarios e aseos, e posteriormente, os accesos ao balneario de Caldas de Partovia e a rúa Otero Pedrayo, nos que se realizaron obras de asfaltado e acondicionamento.O alcalde agradeceu ao presidente da Deputación a colaboración que vén mantendo a institución provincial co Concello do Carballiño, e o titular do goberno provincial felicitou ao Club Deportivo Arenteiro, «un emblema do Carballiño e da provincia, que leva máis de seis décadas promovendo o deporte nesta vila». Baltar destacou que a cooperación entre administracións «é básica para levar adiante iniciativas a prol do interese común dos cidadáns», e remarcou que O Carballiño «é a vila termal por excelencia, chamada a ter un protagonismo destacado a nivel nacional». Precisamente, neste ámbito do termalismo dixo que a Deputación de Ourense «elaborou o Plan «Ourense, a provincia termal», a iniciativa do deputado de Termalismo daquela, Argimiro Marnotes, e hoxe en día vemos xa importantes resultados como foi o balneario de Caldas de Partovia en 2017, e neste 2018 o novo balneario en Berán. Somos o territorio de Europa con maior potencial termal e temos que seguir traballando na súa promoción e desenvolvemento», expresou Manuel Baltar.En Boborás, o presidente do goberno provincial foi recibido na Casa do Concello polo alcalde, Cipriano Cammaño, e pola tenente de alcalde e concelleira de Cultura, Patricia Torres, con quen analizou temas de cooperación entre ambas administracións, visitando posteriormente a contorna do colexio público «Nosa Señora de Xuvencos», para coñecer as necesidades municipais nesta zona, referidas aos ámbito das infraestruturas viarias, culturais e de servizos.

Deja un comentario